Bomba nakuykuyan sa mga bata
CEBU, Philippines — Usa ka bomba ang nakuykuyan sa mga bata nga nagduwa sa baybayon sa Barangay Poblacion, Dakbayan sa Talisay niadtong Sabado sa gabii.
Si SPO1 Erwin Carbonquillo sa Talisay City Police Station nagkanayon nga nagduwa ang mga bata sa lugar hangtud nga ilang nakuykuyan ang gahi nga butang.
Gipaladman nila sa pagkawot hangtud nga ilang nakita nga porma gyud sa bomba ang ilang nakit-an hinungdan nga nitawag sila sa mga hamtong sa lugar.
Ilang gipahibawo ang kapolisan nga dali ra sab nga girespondehan.
Asoy pa ni Carbonquillo nga sakto ra ang gibuhat sa mga bata sa pagpahibawo sa mga hamtong sa ilang nakita kaysa sila magkuryoso sa pagsusi sa karaang bomba. Matud niya nga gikuha sa iyang kaubanan ang bomba dayun gidala sa ilang buhatan.
Ilang gipaabot ang kaubanan sa Cebu Provincial Police Office (CPPO) nga eksperto sa bomba aron maoy mokuha niini. (BANAT NEWS)
- Latest