Pagbotar sa ABC pinaagi sa konsensiya

CEBU, Philippines — Si out-going Association of Barangay Council Chairman sa Dakbayan sa Sugbo Phillip Zafra, malaumon atol sa pagpili sa bag-ong ABC karon adlaw nga Lunes mopatigbabaw ang konsensiya sa pagpili sa mangulo sa maong kahugpongan.

Matud pa ni Zafra, usa ra sila ka asosasyon hinungdan kung unsay anaa sa kasing-kasing maoy ipagawas tungod kay dili kini para sa partido ug sa personalidad kondili may kalabutan kini sa mga plano sa ABC alang sa tanang barangay.

Panawagan niya sa mga kapitan nga ang importante, sa pagtapos sa adlaw ang kaayohan para sa tanan maoy ilang gilantaw.

Bukas ra usab si Zafra kung gustong molili sa Book of Accounts ang bag-o na unyang molingkod nga ABC president kay mahimo kining tan-awo ni bisan kinsa. (/IBM)(BANATNEWS)