Amahan ug anak nasikop sa buy bust

CEBU, Philippines — Nagtingkagol karon sa prisohan ang amahan ug anak nga giingong namaligya og shabu human silang duha nadakpan sa  buy bust operation sa mga sakop sa  City Drug  Enforcement Unit (CDEU) ug Lapu-Lapu City  Police Office (LLCPO) sa Barangay  Pajac.

Si Senior Inspector  Genesis  Aniversario  sa CDEU sa LLCPO miila sa duha mao silang Marlou Ruiz  Labiste, 52, ug anak nga si Marlawe  Malinao Labiste, 19, nagpuyo sa Sacred Heart sa maong barangay.

Matud pa ni Aniversario napalitan ang duha og lima ka paketeng shabu bugti sa P1,000 nga bayad ug nakuhaan usab og  dugang upat ka gagmay nga paketeng shabu. (/IBM)(BANATNEWS)