5 bata gamit sa cyberporn
CEBU, Philippines — Lima ka mga batang babaye ang gipang-rescue gikan sa tulo ka babayeng managsoon nga gikatahong “suspected traffickers” sa usa ka barangay sa dakbayan sa Lapu-Lapu sa miaging Huwebes.
Ang mga sakop sa Women and Children Protection Center- Visayas Field Unit sa Police Regional Office-7, SWAT, ang Lapu-Lapu City Police Office- Women and Children Protection Desk (WCPD) ang misikop sa 16-anyos nga babaye ug sa 18-anyos nga igsoon niini, pulos residente sa usa sa mga barangay sa maong dakbayan. Ang duha gidakop diha sa usa ka mall sa nahisgutang dapit.
Nadakpan usab ang 20-anyos nilang kamaguwangan alas 7 sa gabii niadtong adlaw nga Huwebes. Ang naluwas mao ang mga nag-edad og 8, 5, ug duha ka 7-anyos nga pulos mga residente sa barangay diin magpuyo ang mga suspek.
Ang 20 anyos nga maguwang gipasanginlang mo-offer nga sexual abuse ug i-exploit sa mga biktima apil ang iyahang anak nga iyahang i-live stream ug tan-awon sa mga mag-online nga mga langyaw diha sa internet.
Sa gihimong operasyon kagahapon sa alas- 3 sa hapon na-rescue usab ang 13 anyos nga babaye nga biktima usab sa mga suspek.
Ang mga bata anaa na sa Department of Social Welfare and Development (DSWD). Si WCPC Visayas Field Unit Chief Romeo Perigo nagkanayon nga ang operasyon sa managsuon gihimo nang “family business.”
“People sexually abusing and exploiting children online in so-called ‘cybersex’ or ‘cyberpornography’ risk life imprisonment when caught by the police and should stop now. It’s especially devastating for the community to see families—in this case, 3 sisters—all involved in these serious crimes against young children,” matud ni Atty. John Tanagho, Field Office Director sa International Justice Mission– Cebu.
Ang Republic Act (RA) 9208 or ang Anti-Trafficking in Persons Act, RA 9775 o ang Anti-Child Pornography Act in relation to RA 10175 o ang Cybercrime Prevention Act ang ipasaka batok sa mga suspetsado. (IBM) (BANAT NEWS)
- Latest
