Nadasmagan og motor patay
CEBU, Philippines — Patay ang usa ka babaye nga tiguwang human nadasmagan sa usa ka motor niadtong Domingo sa Barangay Looc, Lungsod sa Oslob.
Ang biktima mao si Anastacia Magsukay, 62, residente sa maong lugar.
Giingon nga si Magsukay nadasmagan og motor nga gimaneho ni Dioscoro Aberia, 26-anyos, diin sakay sab ang iyang kapuyo ug anak niadtong higayuna.
Matud ni SPO2 Jun Jerusalem nga nihana og labang si Magsukay apan niatras kini hinungdan nga nadasmagan siya ni Aberia.
Si Aberia ug iyang kuyog niadtong higayuna ang nakaangkon sab og mga samad.
Hinoon andam siya motabang sa pamilya sa biktima. (BANAT NEWS)
- Latest