Enforcers di palabi sa init

CEBU, Philippines - Gitambagan sa consultant sa traffic sa Siyudad sa Talisay ang mga enforcers nga dili magpaka-hero sa pagpainit.

Si retired fiscal Oscar Capacio nibutyag nga dili tiaw ang nasinati nga kainit sa panahon karon maong angay sab huna-hunaon sa mga enforcers ang ilang kaugalingon.

Matud ni Capacio nga kun init na kaayo apan nag-aginod ang dagan sa mga sakyanan mahimo ra nga magpadaplin ug mopasilong ang mga enforcers apan dili mobiya sa lugar.

“Init gani pasilong gyud. Padaplin gamay anyway naa man ka nagtan-aw. Ayaw paka-hero kay mamatay ka ana,” matud ni Capacio.

Sayo niini una na nga nitambag si Dr. Lino Alanzado, pangulo sa City Health Office, nga kung molakaw magdala gyud og tubig aron dili ma-dehydrate ug dili ma-heatstroke ang usa ka tawo. (BANAT NEWS)