TCC palambuon pagbalik ni Gullas
CEBU, Philippines - Tinguha karon ni Talisay City Mayor-elect Eduardo Gullas nga iyang han-ayon ug palambuon pagbalik ang mga pasilidad unya sa Talisay City College (TCC) ini og lingkod niya pagbalik isip mayor karong Hulyo 1.
Asoy pa niya nga wa makalihok ang TCC human nga giusab ang nagdumala niini nga gitudlo sa gumagawas nga administrasyon ikumpara sa nilabay nga mga katuigan.
Ang TCC maoy usa sa mga prayoridad ni Gullas sud sa unang 100 ka adlaw sa iyang bag-ong termino.
Matud pa niya nga kun mag-abot na ang Board of Trustees (BOT), iya kining hangyuon sa paghuna-huna og unsaon nila sa pagpalambo ang TCC sama na lang nga kini mahimong andam sa K to 12 program.
Sa dihang natukod ang TCC niadtong 2004 hayan naka-produce kini og mga topnotchers sa board exams sa kurso nga edukasyon.
Nagplanu sab si Gullas nga iyang hangyuon ang iyang apo nga si Kongresista Gerald Anthony “Samsam” Gullas aron amendahon ang balaud nga naghimo sa TCC nga Republic Act 10594 aron himuon kini nga State College.
Sa unahan, lakip sa iyang prayoridad ni Gullas mao ang paghimo sa bag-ong pampublikong merkado diha sa Tabunok. (BANAT NEWS)
- Latest
