Cortes atbangan ni Cañete
CEBU, Philippines - Mag-atbang sila si Mandaue City Mayor Jonas Cortes ug ang gikaaway niini nga presidente sa Mandaue City College nga si Dr. Paulus Mariae Cañete sa pagka-kongresista sa ika-unom nga distrito.
Si Cañete ubos sa One Cebu Party diin iya’ng kaalyado ang mga Ouano sa dakbayan sa Mandaue samtang si Cortes ubos sa Liberal Party.
Si Cañete nagkanayon nga ang bintaha niya kang Cortes mao ang iya’ng qualification sanglit usa siya ka doktor sa edukasyon.
“Ako ro’ng aim kini’ng academician na pud ang suwayan basin pa nga ang academician maka-deliver gyud sa mga panginahanglan sa distrito,” matud ni Cañete. Buot usab ipamatuod ni Cañete nga dili tinuod ang mga isyu nga gilabay sa administrasyon ni Cortes sa iya’ng pagdumala sa MCC.
“Ang conflict sa Mandaue City College politics man ni, so ang solution niini politics pud, sa personal grudge wala ta niana ug naa siya wa ko, I could even hug him now if I meet him, I could shake my hands with him, if naa siya ron ako siya rong gakson, I have nothing against him,” dugang ni Cañete.
Natukod ang MCC nga gidumala ni Cañete panahon sa administration ni kanhi mayor Thadeo Ouano apan wala na siya ilha diha’ng nipuli si Cortes ug gitukod ang laing MCC.
Samtang niduso usab sa iya’ng COC si Engr. Ricardo “Gaga” Mendoza sa pagka-konsehal sa dakbayan sa Mandaue nga usa ka Independente sama kang kanhi Banilad barangay Kapitan Edgardo Cortes.
Si Mendoza niluwat isip pangulo sa Solid Waste Management Program ug isip commissioner sa sports sa dakbayan. (BANAT NEWS)
- Latest
