P.6M nga butang gikawat

CEBU, Philippines - Kapin sa tunga sa milyon nga mga butang nga iya sa usa ka Amerkano ang gikawat sud sa iyang panimalay diha sa usa ka subdivision sa Brgy. Bulacao sa dakbayan sa Talisay.

Ang gikawatan mao si Robert Edward Bess, 46, nagpuyo sa maong subdivision kauban sa iyang pamilya.

Base sa imbestigasyon sa kapolisan nga nanglakaw ang mga tagbalay ug nisalisi og sud ang sliding window luyo sa balay ang mga wala pa mailhing kawatan.

Nakuha sa mga kawatan ang duha ka I-pads, usa ka laptop, usa ka cellphone, usa ka underwater camera, projector, mahalon nga bag, tulo ka mahalong relo, mga alahas, ug salapi nga P20 mil ug $2500.

Sumala pa sa kapolisan nga mokabat gyud og P644 mil ang balor sa tanan nga nasakiyo sa mga kawatan. Gikuhaan na og mga fingerprints ang balay ug nangita pa og dugang ebidensya ang kapolisan aron maila ang mga kawatan.  (BANAT NEWS)