Amerikano, asawa, laing 2 gipriso

CEBU, Philippines – Natanggong sa prisohan ang upat ka tawo lakip na ang usa ka Amerikano human nag-away nga hubog sa Ultra Mango Square, dakbayan sa Sugbo pasado alas 6 sa nakalabay nga buntag.

Ang langyaw naila nga si George Allen Sparado, 40; ug lakip sa gidakop ang asawa nga si Charlot Villasan Sparado, 26; ug ang ilang gikaaway nga sila si Gomerciano Pacatang, 28, taga Lipata, Minglanilla ug Roy Bohol, 38, taga barangay Lahug, dakbayan sa Sugbo.

Matud ni PO3 Philip Plasus, desk officer sa Fuente Police Station, nga gumikan sa kahubog sa duha ka grupo nagkalis ug nahitabo ang lamok-lamok. Gumikan kay pulos naka-inom ang upat, sila’ng tanan ang gitanggong sa karsel sa Fuente Police hangtud nga nahuwasan. Hinuon nakagawas ra ang upat human nibayad og multa sa paghubog-hubog. – /GMR) (BANAT NEWS)