Denmark terror attack

CEBU, Philippines – Patay ang usa ka lalaki nga gidudahang maoy responsable sa duha ka buwag nga terror attacks niadtong Sabado sa Copenhagen, Denmark.

Ang maong lalaki nga gibanabanang 25 ngadto sa 30 anyos armado  og automatic rifle dihang kalit niining gipaulanan og bala ang usa ka art exhibit sa bantogang Swedish artist nga si Lars Vilks.

Ang unang pagpamusil nahitabo Krud-tto-enden Cultural Center ug nasundan kini sa synagogue sa Jewish community sa mao gihapong siyudad.

Ang duha ka pagpamusil miresulta sa kamatayon sa duha ka mga tawo ug pagkaangol sa duha ka polis.

Gidudahan sa mga awtoridad nga terror attack kini sama sa nahitabo sa Paris sa miaging buwan diin giatake ang usa ka buhatan sa Charlie Hebdo Newspaper. (AP/EIM) (BANAT NEWS)