Usa nakasibat, 4 sikop sa buy-bust
CEBU, Philippines – Nakasibat ang usa ka target samtang upat ang nadakpan sa managlahing buy-bust operations sa probinsiya sa Sugbo niadtong Domingo.
Usa ka Bonjing Respondo nga taga Poog, dakbayan sa Toledo, ang naka-eskapo apan ang duha niya ka kauban nga sila si Sergio Manguray, 30, taga Lutopan ug Boez Bacalso, 36, taga Magdugo, sa maong dakbayan ang nadakpan.
Sa Liloan, usa ka Edwin Cuyos Wagas ang nasikop pasado alas 11 sa gabii sa maong adlaw dihang naaktohan nga naghupot og unom ka gagmay'ng pakete sa gituohang shabu.
Samtang usa ka Francis Niño Dayondon, 18-anyos, taga Poblacion, lungsod sa Dumanjug ang nasikop human nakuhaan og usa ka gamay'ng pakete sa shabu.
Si Dayondon gireklamo sa usa ka Guillermo Valero Castaños, 70-anyos, taga Liong, Dumanjug human giguba ang iyang motorsiklo.
Sa pagrikisa sa kapolisan kang Dayondon, nakuha ang usa ka gamay'ng pakete sa gituohang shabu. – /GMR) (BANAT NEWS)
- Latest
