Surprise inspection gihimo sa RIAS

CEBU, Philippines – Nagpahigayon og surprise inspeksyon ang sakop sa Internal Affairs Service sa kapolisan kagahapong adlawa sa Police Regional Office 7 aron masuta kung unsa kaandam ang kapolisan sa rehiyon.

Si Senior Superintendent Jerry Galvan sa RIAS-8 maoy nangulo sa inspeksyon kagahapon sa buntag.

Sa iyang pamahayag human sa flag ceremony midayeg gilayon si Galvan sa iyang nakita sa mga polis ug matud pa niya mga “snappy” ang kapolisan sa PRO7.

Matud pa ni Galvan nga ang bugtong tumong sa maong kinalit nga inspection nga masusi kun unsa kaandam ang kapolisan sa PRO7.

Susihon sa mga inspectors ang operation readiness, mobility coordination ug critical management sa PRO7 sulod sa tulo ka adlaw.

Matud pa ni Galvan nga ang inspection kinalit aron makita sa inspectors ang matag adlaw nga kalihokan sa mga polis ug gituyo nga di sila pahibaw-on aron dili sila makapangandam.

Ang resulta sa inspeksyon iduso ngadto sa kaulohan  aron gradohan sa Campo Crame. – /EIM) (BANAT NEWS)