18 polis, apil ang nag-trending sa FB gipasidunggan ni Purisima
CEBU, Philippines – Moabot sa 18 ka pulis sa dinhi sa rehiyon 7 ang gihatagan og medalya sa labing taas nga opisyal sa kapulisan lukop nasud nga si PNP Chief Director eneral Alan Purisima, kagahapong adlawa diha sa hawanan sa Police Regional Office -7.
Upat ka mga pulis nga gikan sa Bohol Police Provincial Police Office ang gihatagan og medalya ni Purisima human sa bayanihon niini nga gibuhat nga operasyon diin napatay nila ang drug syndicate leader sa maong lugar nga si Owen Rosales ug pagkasikop sa mga kaubanan niini ug pagkasakmit mga high- powered firearms.
Medalya nang Kagalingan ang gihatag kanila ni Senior Superintendent Dennis Agustin, Senior Inspector Jodel Torregosa, PO3 Nilo Hinay ug PO1 Gerardo Turan.
Samtang upat ‘sab ka pulis sa dakbayan sa Mandaue ang gihatagan og samang medalya tungod sa pagkasikop sa mastermind ug upat ka gunman o sa pagpatay sa usa ka manager niadtong Marso 23, 2014.
Ang gipasidunggan mao sila si Supt. Crisaleo Tolentino, Sr. Insp. Jimmy Fortes, PO3 Carlos Zapanta Jr., ug PO1 Allan Bacus.
Duna sa’y upat ka mga pulis nga nadestino sa Provincial Intelligence Branch ang gipasidunggan tungod sa pagkasikop usa ka notadong drug pusher sa Liloan niadtong Agusto 25, diin kapin P2 milyones pesos nga drugas ang ilang nakuha.
Ang mga nakadawat og medalya mao sila si Supt. Rodulfo Albutra, Sr. Insp. Armando Labora, SPO4 Jaime Otadoy ug PO3 Roderick Balili. Samtang lain sab nga upat ka mga pulis sa Regional Intelligence Division ang gitagaan og medalya nga sila si Sr. Insp. Randy Caballes, PO3 Albert Luardo, PO3 Roy Carlo Veloso og PO3 Esmeraldo Quillosa.
Samtang si SPO1 Jenifer Atanacio sa Police Community Relations Office sa Bohol Police ang gitagaan sab og Medalya ng Papuri human nga miuli kini sa P100 mil nga nakuha gikan sa loan nga nasayop og hatag.
Samtang gipasidunggan ‘sab si PO1 Mark Wilson Roa ang Field Training Police nga nag trending sa Facebook og una nga nabalita sa Banat News human mitabang sa usa ka senior citizen, siya gihatagan ‘sab og Medalya ng Papuri. -/EIM) (BANAT NEWS)
- Latest
