Buta napagan patay

CEBU, Philippines - Maayong pagkakagay sa ulo sa usa ka lalaki nga buta human nga naamong sa pagpamusil diha sa Sitio Arco, Barangay Lahug, Cebu City, alas 7:20 kagahapon sa buntag.

Dead on the spot ang biktima nga si Diosdado Cimafranca Jr., 56, nagpuyo sa maong lugar  samtang gitudlo nga suspek sa maong pagpamusil si Antonio Quitor Jr., 27, taga Sitio San Vicente sa maong barangay.

Matud pa ni SPO4 Rey Cuyos sa Homicide Section sa Cebu City Police Office (CCPO) nga nahinabi sa Banat News nga igo lang naamong si Cimafranca sa maong pagpamusil tungod kay ang gipusil ni Quitor mao ang kontra niini nga si Michael Lagahit, 27, nga usa ka call center agent nga taga Sitio Avocado.

Sumala pa nga nasugatan ni Quitor si Lagahit ug kalit kini nga gipusil apan natungnan nga maoy paggawas ni Cimafranca sa iyang balay ug maoy naigo sa ulo niini.

 Tungod sa kapungot sa mga tawo gikuninitan silang duha. Si Quitor misuway og ikyas apan nadakpan dayon sa Motorcycle Riding Unit (MRU) ug Special Weapons and Tactics (SWAT) ug nakuhaan og .38 revolver.  (BANAT NEWS)