Apartment sa langyaw gilungkab

CEBU, Philippines - Igo na lang nga pag-taho sa kapolisan ang magtiayong langyaw human gilungkab ang ilang gi-abangang apartment sa nakalabay’ng adlaw sa Coral Subdivision, Tungkop, Minglanilla. Giila ang magti-ayon nga sila si Stephan Quibodeaux, 38 ug Michell Lee Quibodeaux nga lumad nga taga Louisiana, USA ug temporaryong nagpuyo sa nahisgutang lugar.

Matud ni PO2 Vincent Aliñabo sa Minglanilla Police Station nga nahinabi sa Banat News nga sa ilang gihimo nga imbestigasyon, milakaw ang mga biktima niadtong Hulyo 7 apan sa ilang pagbalik sa pagka Hulyo 9, ila na lang nabantayan nga abli na ang ubang bahin sa pultahan sulod sa ilang apartment.

Nakuha sa kawatan ang P60 mil og $1,700 nga kwarta ug ubang mahalon nga gamit. (BANAT NEWS)