Nangomedya gipusil patay

CEBU, Philippines - Patay ang usa ka habal-habal driver human pusila samtang nangomedya sa iyang kauban sa lungsod sa Carmen kagahapon sa buntag.

Ang biktima usa ka Basilidis Castro, 33, taga barangay Caurasan sa maong lungsod samtang ang suspek mao si Randy Guiroy Roble, 21, molupyo ra sa maong lugar.

Niadtong Sabado sa gabii, nag-parking ang suspek atbang sa merkado samtang usa ka Kulas ang mi-parking sa iyang luyo ug nabag-iran ang plate number apan naayo ra dayon.

Giingong miabot si Castro ug gikomedyahan si Roble pinaagi sa pag-ingon nga arte kaayo bisan gamay ra ang nadaut sa motorsiklo.

Gituohan nga nainsulto si Roble sa komedya ni Castro ug nagplano kini og dautan.

Kagahapon samtang naghuwat og pasahero si Castro kalit lang gipusil ni Roble kinsa misuway pag-ikyas human sa hitabo apan daling nasikop sa kapolisan. (BANAT NEWS)