CCPO adunay 63 ka dugang polis
CEBU, Philippines - Gipaabot nga momenos ang krimin sa dakbayan sa Sugbo sa pagdugang sa 63 ka bag-ong polis nga idestino sa 11 ka police stations.
Ang maong mga polis nihimo sa ilang courtesy call kang Mayor Michael Rama human sa flag raising ceremony kagahapon sa buntag. Ang bag-ong mga polis nga gikan sa lain-laing probinsya idestino sa 11 ka police stations alang sa ilang lima ka buwan nga Public Safety Field Training Program sugod kagahapon.
Atubangan sa 3,000 ka kawani sa City Hall, ang bag-ong mga polis nipasalig nga andam sila motabang sa publiko pinaagi sa ilang pagahimoong police visibility, assistance ug quick response.
Si Rama nipahinumdum sa bag-ong mga polis nga dili kalimtan ang ilang gipanumpaan nga pagserbisyo ug pagpanalipod sa publiko.
- Latest
