PAGCOR magtukod og school buildings sa Cebu City

CEBU, Philippines - Motabang ang Philippine Amusement and Gaming Corporation kon PAGCOR  sa Department of Education sa pagtukod og dugang mga tunghaan dinhi sa dakbayan sa Sugbo. Gipanglantawang ang pagsaka sa populasyon mopasaka usab sa gidaghanon sa mga tinun-an nga buot motungha maong magnihit gyud ang mga tunghaan.

Mitataw si Mayor Michael Rama nga siguro na gyud nga motabang ang PAGCOR ug gani aduna na sila’y napili nga mga lugar nga tukuran og mga tunghaan. Ang napiliang mga eskuylahan nga pabutangan og dugang school buildings sa Inayawan ug Guadalupe. Gipaabot nga ang dugang mga lawak saringan makatubag sa paghuot sa mga estudyante sa kada lawak-saringan. (BANAT NEWS)