Nipalit gamit ang fake money
CEBU, Philippines - Nasikop sa mga tanod sa barangay Ermita ning dakbayan sa Sugbo ang usa ka lalaki nga misulay og palit og utanon sa usa ka tindahan gamit ang peke nga P1,000 pasado alas 5:00 sa miaging buntag sa dalan Panganiban, barangay Pahina- Central ning dakbayan sa Sugbo.
Ang nasikop naila nga si Alan Alquiza alyas Bobong, 41, lumad nga taga Surigao kinsa gireklamo sa usa ka Anita Aligado, 46, tungod kay peke ang nadawat niyang kwarta gikan sa suspek.
Dihang nakabantay ang biktima nga peke ang kwarta nga gigamit sa suspek dali kining nangayo og tabang sa mga tanod.
Dihang girekisa, nakuhaan pa og laing unom ka peke nga tag P1,000 nga kwarta, usa ka P100 ug usa ka $100.
Tungod sa maong hitabo gihatod dayon si Alquiza sa mga tanod sa Carbon Police Station. (BANAT NEWS)
- Latest
