CPPO posibleng kasohan ang duha ka LBC branches
CEBU, Philippines - Tun-an karon sa kapulisan ang posibilidad nga mopasaka sila og kasong obstruction of justice batok sa management sa outlet sa LBC sa Bogo City ug sa Moalboal human wa gyud sila mo-kooperar sa kapulisan.
Si Supt. Rodolfo Albotra, hepe sa Provincial Intelligence Branch, mibutyag nga ang wala paghatag sa file sa CCTV lakip na ang pag-delete sa file nga gamiton unta sa pagsulbad sa kaso sa pagpanulis human mabiktima ang duha ka mga outlets sa miaging buwan.
Siya midugang nga nga maglisod gyud ang kapulisan sa pagsulbad sa maong mga kaso matud pa kay “uncooperative†ang management sa duha ka mga outlets ilabi nga gi-delete ang file sa CCTV camera nga kuha sa buhatan sa LBC Moalboal.
“Unsay purpose nila of giving us a copy if cannot be used in the investigation…they should help us ilabi na sila ang involved sa kaso…we are not after only of the face but the physical environment…tanan,†matud ni Albotra kinsa midugang nga aduna tuod kopya ang LBC-Moalboal apan dili kini ma-open.
Siya nagduda nga posibleng adunay personal nga interest nga nagpaluyo sa management sa LBC human ang duha ka outlets niini natulis didto sa Bogo City ug Moalboal sa miaging buwan wala gyu’y klaro nga kooperasyon nga nakuha ang kapulisan hangtud karon. Siya midugang nga walay rason nga dili mohatag og kopya ang LBC matud pa kay public interest man ang maong kaso ilabi na kay nalambigit kini og krimen.
“Karon na lang ni nga di sila mohatag og kopya unya unsa may rason nga dili sila mohatag og kopya nga its for public interest because we are investigating a crime,†dugang ni Albotra.
Mao usab ang nahitabo sa kapulisan sa Bogo City diin hangtud karon wala gihapon sila mahatagi og kopya.
Tan-awon usab karon sa kapulisan kung pwede ba nilang mapasakaan og kasong obstruction of justice ang LBC.
Kahinumduman nga ang LBC sa Barangay Libertad, Bogo City nakuhaan ug P70,000 samtang ang LBC sa Barangay Poblacion East, Moalboal nakuhaan usab og P31,000. Ang duha ka mga establisamento pulos walay security guard. (BANAT NEWS)
- Latest
