Magpale mosusi unsaon pagtabang mga residentesa dapit diin dunay nasakpang cyber pornography
CEBU, Philippines - Bisitahon ni Acting Governor Agnes Magpale ang barangay sa lungsod sa Cordova diin mabisto ang duha ka cyber pornography dens sa mga awtoridad.
Sa iyang press conference sa buntag, miingon si Magpale nga ilang adtoon ang lugar aron makighinabi sa mga residente nga nagsalig sa operasyon sa cyber-pornography alang sa ilang panginabuhian.
Matud ni Magpale, iyang sutaon og unsay ilang mahatag nga panginabuhian sa mga residente didto aron dili na mobalik pa sa maong illegal nga buhat. Giangkon ni Magpale nga lisod ikaatbang ang operasyon sa cyber-porns tungod kay dako kaayo ang kitaon sa mga nag-operate niiini kun itandi sa legal nga matang sa panginabuhian tungod kay dunay mga transaksyon nga usahay mokantidad og sinkwenta dolyares sa usa lang ka transaksyon.
“Dako kaayo. But we will do our best to see what we can offer,†matud pa ni Magpale.
Misumitir usab ang Provincial Women’s Commission (PWC) kagahapon og resolusyon pagdayeg ug pagsuporta sa National Bureau of Investigation sa pagpanakop sa mga nag-operate og cyber-porn dens.
Niadtong Domingo, gidakop sa NBI ang usa ka magtiayon nga nalambigit sa cyber pornography nga migamit sa ilang 13-anyos nga anak, usa ka 14-anyos nga pag-umangkon ug usa ka 17-anyos nga silingang lalaki. Tuig 2011 dihang dunay nadiskubrehang susamang ilegal nga operasyon sa mao gihapong barangay.
Ang PWC andam motabang sa mga umaabot pang operasyon sa NBI pinaagi sa ilang koneksyon sa Homeland Security sa Estados Unidos kung kinsa adunay mga high-end nga kagamitan aron makatabang sa surveillance ug monitoring sa mga illegal nga buluhaton sa internet.
Andam sad ang PWC motabang sa NBI sa paghatag og psychological intervention sa mga biktima sa cyber pornography. (BANAT NEWS)
- Latest
