Masakito’g nerbyus naghikog

CEBU, Philippines - Usa ka  ulitawo  kinsa  nag-antos  sa   sakit   nga nervous breakdown   patay  na  nga  napalgan  nga nagbitay  sa  sanga  sa Dakit  duol  sa ilang  balay  sa barangay   Sta. Cruz ,sa lungsod sa Balamban niadtong miaging buntag.

Si Ernesto Dumdum, 25, ulitawo,  nadiskobrehan  sa iyang  manghud nga  si Raymund  nga  migamit  og  pisi  nga  gibaliog  sa iyang  liog ug  ang  pikas  tumoy  gigaid  sa sanga  sa Dakit.

Si SPO1 Juluis Obanana sa Balamban Police Station mibutyag  sa Banat News    si Dumdum gisuwayan   og hatud sa  mga  tagtungod  ngadto sa  Balamban District Hospital apan gideklarar   kini nga dead on Arrival (DOA).

Sa gihimong pakisusi sa kapolisan nahibaw-an nga si Dumdum kanunay   nga mahadlok   ug  moreklamo  nga  may  mga  armadong  tawo  nga magpunay  og  sunod-sunod  kaniya  aron  siya  patyon. Hinuon  ang mga  kabanay kombinsido nga  walay foul play ang kamatayon niini.( /WC)  (BANAT NEWS)