Thanksgiving Mass, Special gun ban gipatuman dinhi sa Sugbo

CEBU, Philippines - Andam na ang tanan alang sa National Thanksgiving Mass karong Biyernes gikan sa motorkada sa pag-abot ni San Pedro Calungsod karong adlawa gikan sa Bohol hangtud na sa mga Triduum Mass, foot processions ug fluvial processions.

Samtang ang kapolisan mideklarar na sa pagpatuman og special gun ban sugod niadtong alas-12 sa kaadlawon sa adlaw’ng Domingo ug gibutang na ngadto sa heightened alert ang lukop rehiyon 7 agi og pangandam gihapon sa seguridad.

 Si Police Regional Office Director Chief Superintendent Marcelo Garbo mibutyag nga ila karun nga gihingusgan ang pagpahigayon og mga checkpoints ug operasyon batok sa mga buluyagon sa katilingban.

Gawas niini, ang kapolisan gimandoang mag-uniporme gyud kung magdala og armas. Atol sa special gun ban gisuspenso ang tanang mga Permit to carry firearms outside of residence (PTCFOR).

Samtang gipasabot usab ni Garbo nga bisan ang polis nga dili on-duty ug wala magsuot og kompletong uniporme gidid-ang makadala og armas.  (BANAT NEWS)