^

Banat Balita

30 ka bay sa Mabolo demolisonon

Ni Sanden J. Anadia/WC - The Philippine Star

CEBU, Philippines - Nabalaka  ang kapin sa 30 ka pamilya  nga nanimuyo sa luna  dapit sa nahimutangan sa karaang nursery sa siyudad sa Sugbo  sa Barangay Mabolo gumikan kay gipadad-an na sila og notisya nga papahawaon   na sa ilang giistaran  nga  luna.

Kini tungod  kay  naglaraw  ang kagamhanan  sa dakbayan  sa Sugbo  nga gamiton  na  pagbalik  ang  maong  yuta  alang  sa nursery  sa  kagamhanan.

Ang nahisgutang  nursery  kasamtangang   gipahiluna sa South Road Properties (SRP)  nga gipanag-iya  usab  sa pribadong  tag-iya. Karong  gamiton  na  sa maong tag-iya  ang  gibutangan  sa  nursery sa  SRP, nakahukom  na  kini  nga  mobalik  ngadto  sa iyang  karaang  puwesto  nga mao  ang Mabolo.

Matud pa sa pangulo sa Nasudnong Katawhang Kabos (Nakabos) nga si Evangeline Abejo  nga makig-estorya  una  sila kang Mayor Michael Rama aron isuspenso una ang pagpaguba sa mga balay  sa apektadong  mga  pamilya. Ang Nakabos maoy usa sa mitabang sa mga residente sa maong dapit aron dili sila mapahawa.

Nagkanayon si Abejo nga mohangyo sila sa mayor nga dili una pahawaon ang mga maapektohang residente gumikan kay dako kini og epekto sa ilang panginabuhian.

Dugang pa niya nga aduna pa’y mga lugar sa ubang dapit sa dakbayan ang nag-atubang og notisya para  demolisyon ug panghinaut niya  nga dili kini mosangpot sa mga kagubot.

Suma pa ni Abejo nga adunay mga demolisyon sa ubang dapit  nga magkagubot gumikan sa kakuwang sa kooperasyon sa mga maapektohang residente.

Nagkanayon siya nga kinahanglan nga magkahiusa gyud ang mga tawo sa himoon nila nga desisyon aron malikayan ang mga panaglalis  nga maoy  mahimong  sinugdanan  sa kagubot.  (BANAT NEWS)

ABEJO ANG NAKABOS BARANGAY MABOLO EVANGELINE ABEJO MAYOR MICHAEL RAMA NAGKANAYON NASUDNONG KATAWHANG KABOS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with