Sikyu sa DFA nadakpan sa entrapment
- Ni Romeo T. Limpangog/EIM () - April 28, 2012 - 12:00am

CEBU, Philippines - Nadakpan sa entrapment operation sa kapolisan ang gwardiya sa Department of Foreign Affair (DFA) sa Ibabao Estancia, dakbayan sa Mandaue human ireklamo sa usa ka babayeng nagkuha og visa sa miaging gabii.

Ang nadakpan mao si Arnold Pepito, taga San Martin, Malaybalay, Bukidnon ug gwardiya nga nadestino sa nahisgotang buhatan.

Giila ni PO2 Heraclio Gamboa sa kapolisan sa Presinto 3 sa Mandaue City Police Office (MCPO) ang reklamante nga mao si Estephane Labiano, 27, lumad nga taga Negros Oriental. Matud pa ni Gamboa nga una niini naproblema si Labiano nga gitakda ang pag-release sa iyang visa sa Mayo 2 apan mao usab kini ang adlaw sa iyang paglarga ngadto sa gawas sa nasud.

Human masayri sa suspek ang suliran sa reklamante giingong mipasalig kining tabangan nga mahatag og dali ang iyang visa bugti sa bayad nga P3 mil sa dili pa ang Mayo 2.

Apan nagduhaduha ang reklamante maong miduol kini ngadto sa DFA ug nagpangutana bahin sa iyang visa, nadiskubrehan hinuon sa kawaning maoy nagproseso niini nga nahanaw na ang maong visa hinungdan nga nagduda silang gikuha kini nga walay pananghid.

Tungod niini mitug-an ang reklamante bahin sa tanyag sa gwardiya hinungdan nga nagpatabang ang DFA sa kapolisan ug gilusad ang entrapment operations diha mismo sa pwestong gibantayan sa maong gwardiya.

Dihang gitunol na ang P3 mil ni Labiano dali kining gisikop sa mga nagpahiping mga polis.   - BANAT NEWS

ARNOLD PEPITO DEPARTMENT OF FOREIGN AFFAIR ESTEPHANE LABIANO HERACLIO GAMBOA IBABAO ESTANCIA LABIANO MANDAUE CITY POLICE OFFICE NEGROS ORIENTAL SAN MARTIN
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with