Bucao nadismaya sa cybersex sa siyudad

CEBU, Philippines - Nasagmuyo si Bise Mayor Alan Bucao sa dakbayan sa Talisay tungod sa wala paghatag og report sa kapolisan kabahin sa operasyon niini sa usa ka cyber sex den nga miresulta sa pagkasikop sa tulo ka mga babayeng ‘na-rescue’ niadtong Biyernes sa hapon.

Si Bucao kinsa chairman committee sa Public Safety, Police, Penology and Transportation sa pakighinabi niini sa Banat News kagahapon nagkanayon nga wala pa sila makadawat og report kabahin sa maong operasyon gikan kang Chief Inspector Eddie Recamara, officer-in-charge sa Talisay City Police Station.

Si Bucao nagkanayon usab nga nanghinaot siyang hatagan unta usab sa OIC ang konseho og gamay’ng katungod o delikadesa nga makahibawo sa ilang mga kalihukan aron usab ang konseho makatabang ngadto sa kapolisan kabahin sa balaod nga pandayon.

Si Recamara sa iyang bahin, nangayo og pasaylo sa konseho ug matud niya nga ang ilang operasyon niadtong Biyernes.

Niadtong Biyernes sa hapon sa gipahigayong operasyon sa kapolisan batok sa cybersex tulo ka mga babaye kinsa giingong diha sulod sa private room sa Level-Up Internet Café sa barangay Tabunok.

Naaktohan sa kapolisan ang tulo nga nagpakita sa ilang dughan atubangan sa web cam samtang dunay ka chat. Ang maong mga babaye mibutyag nga matag sesyon bayran sila og $100 sa iyang kliyente.

Ang tag-iya sa maong establisamento ug ang attendant niini nga si Erwin Mercado ug Clifford Caballero gitanggong sa kapolisan samtang gisusi ang posibleng ipasakang kaso batok kanila.  - BANAT NEWS