CEBU, Philippines - Buksan karong adlawa ang ika-duhang VisMin Agriculture and Aquaculture Expo 2010 diin ang San Miguel Foods, Inc-Feeds Business mopahigayon og nagkalainlaing seminar alang sa panginabuhi.
Ang maong mga seminar anha himuon sa SM Trade Hall Center sa SM City Cebu gikan karon Biyernes hangtod sa Domingo.
Sa seminar bahin sa pamuhi og baboy, isda, manok, tilapia, bangus gituohan nga tambongan sa mga taga Cebu, Bohol, Samar-Leyte, Siquijor, Negros Oriental ug Negros Occidental ug uban pang dapit sa Kabisay-an ug Mindanao.
Ang maong mga seminar ihatag sa San Miguel nga libre ug walay bayad. - PR (BANAT NEWS)