^

Banat Balita

Seaman gisaka sa balay gipatay

- Ni Claire Alagdon -

CEBU, Philippines - Usa ka seaman ang gisulod sa ilang balay ug gitulis dayon gipatay sa duha ka wala mailhing lalaki diha sa sitio Punga sa barangay Kahantuhod lungsod sa Balamban sa milabay’ng gabii.

Ang biktima nailhan nga si Vincent Delfin Ricamora, 43, minyo, lumad nga molupyo sa maong dapit samtang padayon pang giila sa kapolisan ang duha ka mga lalaking responsable sa krimen.

Si PO2 Jose Baldicasa sa Balamban Police Station dihang gikahinabi sa Banat News subay sa imbestigasyon ni SPO3 Arbie Ricardo Cumad Banate, si Ricamora nagtan-aw og TV sa ilang panimalay niadtong tungura.

Gikatahong ngitngit sa sulod sa sala sanglit gipawong sa biktima ang suga samtang nagtan-aw og TV ug ang iyang asawa ug 4-anyos nga anak diha sa ilang mga lawak niadtong tungura dihang kalit nga misulod ang mga gikatahapan.

Base sa paghiling sa lawas ni Ricamora aduna kini mga bun-og sa kalawasan ug gituuhang misukol kini ngadto sa mga gikatahapan hinungdan nga gipusil makadaghang higayon.

Si Ricamora nakaangkon og daghang samad pinusilan sa iyang kalawasan nga maoy nakaingon sa iyang hinanaling kamatayon.

Ang kapikas ni Ricamora nga nakadungog sa butobuto sa kaguliyang sa ilang sala daling migawas aron pagsusi apan gumikan sa kangitngit ug kagubot dali kining mibalik sa kwarto ug diha na niini nadunggan ang butobuto sa armas.

Matud pa sa kapolisan naglisod ang asawa pag-ila sa mga tulisan gumikan kay ngitngit.

Dihang gisusi ang ilang mga gamit wala na diha ang bag ni Ricamora sa kwarto nga adunay sulod nga P300 mil, matud pa sa mga polis nga nasuhito ang mga tulisan nga adunay dakong salapi ang biktima.

Matud pa ni Baldicasa pito ka mga kabhang sa bala sa kalibre 45 ang narekober nila sa crime scene.

Samtang si SPO3 Banate mibutyag sa Banat News nga nagpahulay na si Ricamora pagka-seaman gumikan sa sakit sa bato ug gi-schedule na kining mag-dialysis.   (BANATNEWS)

ARBIE RICARDO CUMAD BANATE

BALAMBAN POLICE STATION

BANAT NEWS

JOSE BALDICASA

MATUD

RICAMORA

SI RICAMORA

VINCENT DELFIN RICAMORA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with