Koleksyon sa Custom mokibra
CEBU, Philippines - Namiligro nga mohutos ang koleksyon sa Bureau of Custom sa Port of Cebu karong gipatuman na ang electronic to mobile(E2M) nga sistema.
Ang kabalaka gipadayag ni District Collector Ronnie Silvestre tungod kay matud pa niya daghan kaayong mga importer ang kalagmitang dili makahimo og transaksyon uban sa ilang kargamento gumikan sa kapakyas nila sa pagparehistro sa client profile registration system (CPRS).
Matud niya nga ang mga importer nga walay CPRS dili na madawat ubos ning bag-ong sistema karon.
Nasuta ni Silvestre nga katunga pa lang sa 200 kapin ka mga importer ang nakasumiter sa ilang CPRS alang sa E2M.
Gumikan niini dako kaayo og posibilidad nga mokibra ang ilang koleksyon kay daghang mga importer ang dili na kakolektahan og arkabala kay dili naman makalusot diha sa pantalan ang ilang mga kargamento. (BANATNEWS)
- Latest
- Trending
