^

Banat Balita

Ulitawo nagpusil sa baba

Nila - Cerie Uy Gamboa ug Charilou Amarillo -

CEBU, Philippines - Usa ka lalaki naghikog pinaagi sa pagpusil sa iyang baba sulod sa iyang lawak sa miaging gabii sa dalan Gen. Gines, barangay Suba, ning dakbayan.

Ang naghikog mao si Jeffrey Tiongzon, 27, ulitawo, nagpuyo sa maong barangay nga waiter sa usa sa mga hotel niining dakbayan sa Sugbo.

Matud pa sa kapolisan sa San Nicolas Police Station nga aduna sila’y napalgan nga suicide note nga may suwat: “Always think the good memories; love not hatred, have peace in our hearts and soul to my family, love you forever with all my heart, that’s life, only God knows why?!”

Si SPO4 Oscar Perez nagkanayon nga si Jeffrey nag-inusara sa iyang lawak sa dihang nahitabo ang insidente. Ang iyang amahan nga si Nicolas Tiongzon, 56, nagpuyo sa maong lugar nagkanayon nga iyang nadunggan ang usa ka boto sa armas   nga maoy gigamit sa iyang anak pagpusil sa iyang kaugalingon. Gipugos sa pag-abli sa manghod nga si Jason 19, ang lawak sa iyang maguwang ug didto ilang nakit-an   nga nagligid sa salog   diin nagbanaw ang dugo.

Gisuwayan pagdala si Jeffrey sa Cebu City Medical Center (CCMC) apan ang mga doktor mideklarar kaniya nga dead on arrival.

Ang biktima nakaangkon og samad pinusilan sa iyang baba lapos ngadto sa iyang tangkugo.

Na-recover sa mga tinugyanan sa Homicide Section ang usa ka armas nga walay serial number nga mao usab nga gigamit ni Jeffrey sa iyang paghikog. (BANATNEWS)

CEBU CITY MEDICAL CENTER

HOMICIDE SECTION

IYANG

JEFFREY

JEFFREY TIONGZON

NICOLAS TIONGZON

OSCAR PEREZ

SAN NICOLAS POLICE STATION

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with