Sekyu gipusil sa kontra

CEBU, Philippines - Ang security guardnga nadestinosa cash division sa second floor sa city hall sa dakbayan sa Talisaygipusil sa usa ka wala hiilhing lalaki niadtong Lunes sa kadlawon apan swerte kay wala ka buto ang pusil.

Si Gabriel Mayormita nga guwardiya sa Lancer Securtiy Agency wala usabka bawossa namusil kaniyakay walay bala ang iyang armas niadtong higayona.

Ang kauban niyanggwardiya nga si Ike Bacalso nga nadestino sa atubangan sa city hall sa second floor mao nay migukod sa nahisgutang lalaki kinsa midagan paingon ngadto sa South Coastal Road apanwala hiapsikay may nagpaabot kaniyang duha ka tawo nga may sakyanan.

Si Joy Ycong, ang supervisor sa mga security mibutyag sa Banat Newsnga ang ilang gisentro sa imbestigasyon karon mao ang kabahin sa atrasong personal sa guwardiya .

Nagtuo sila nga dili pangawat ang tumong sa maong tawo kay makatulo gyud kablita ang armas niya apan mikagar kini, kay kun nakabuto pa peligro ang kinabuhi sa guwardiya niadtong tungora.

 Gibutyag ni Ycong nga tulo ka semana ang milabay may gikabangi si Mayormita nga lalaki kinsa buot untang moduaw sa usa ka piniriso didto sa detention cell apan wala pasudla sa guwardiya kay lapas na sa oras.

Ang oras sa tingbisita diha sa detention cell panahon sa gabii alas 6:00 ngadto sa alas 9:00 lang sa gabii apan ang maong lalaki kinsa dunay unom ka mga kauban ang mianha lapas na sa ala l:00sa kadlawon.

Gumikan sa kapungot sa maonglalaki kinsa giingong nakainomgibuhotan og aso sa sigarilyo ang nawong sa gwardiya.

Matud ni Ycong nga ang maong lalaki mibahad nga mobalik, busa gituohan niya nga mao na tong tawhana ang mibahad kang Mayormita.

Sa samang higayon gibasul usab ni Ycong si Mayormita tungod sa kapakyas niini sa pagkarga og bala sa iyang service revolver nga unta usa man kini ka estriktong mando kanila.

Sa laing bahin, si Roger Villaver, hepe sa Civil Security Unit (CSU) sa city hall sa pakighinabi niini sa Banat News kagahapon nagkanayon nga sa milabay’ng tulo ka semana ang cash division gisuwayan sa paglungkab apan ang iyang pagtuo taga gawas ang mihimo sa ingon.

Apan miingon siyadaku ang posibilidad nga atrasong pribado ni Mayormita ang misuway pagpusil kaniya. - Brenda D. Batuto (BANAT NEWS)