CEBU, Philippines - Bisan og pro-life si kanhi Presidente Joseph “Erap” Estrada apan gusto niining pasilutan ang mga tawo ug mga opisyal sa gobiyerno nga nalambigit sa Maguindanao Masacre sa milabay’ng tuig.
Si Estrada atol sa press conference dinhi sa Sugbu diha sa Waterfront Hotel Lahug kagahapon sa buntag mibutyag nga kulang pa ang kinabuhi sa mga responsable sa maong krimen aron ibayad sa ilang gihimong salaod.
Wala hinuon mopasabot si Estrada nga ibalik ang death penalty kondili kinahanglang manubag gyud ang mga responsable niini sa hukmanan. Ang maong masaker mikalas og 57 ka mga tawo diin 30 niini mga sakop sa media.
Si Estrada nga gipalagpot sa pagkapangulo sa nasud ug nakombikto sa kasong plunder apan gipasaylo subling midagan sa pagkapangulo sa umaabot nga bulan sa Mayo. - Bong Soriano