CEBU, Philippines – Dakong uyon si Rev. Father Rey Gelloagan, chairperson sa Karapatan Central Visayas kun sa liwas na sa eleksyon sunod tuig himuon ang Constituent Assembly. Ang maong pari dihang nahinabi sa Banat News sa miaging adlaw atol sa lihok protesta sa mga militanteng supak sa Con-Ass nagkanayon nga dili maayo ang Con-Ass tungod kay nagsingabot naman ang eleksyon sunod tuig.
Nabalaka silang kun madayon kini unahon gyud pag-usab ang extension of terms sa presidente, ug sa higayon nga ma-amendar ang pipila ka probisyon sa Batakang Balaod si presidente Gloria Macapagal Arroyo mahimong modagan pagka Kongresista sa Pangasinan ug unya siya na ang itudlo nga prime minister tungod kay wala naman unya’y presidente ang Pilipinas.
Nagtinguha sila paglusad og unification rally nga tawgong Peoples March aron ipakita ang hugtanong pagsupak sa maong laraw sama sa ilang gihimo pagsupak sa Value Added-Tax kaniadto. – Rey Pasaporte (BANAT NEWS)