CEBU, Philippines – Usa ka grupo sa mga batan-on ang nagtapok didto sa Plaza Independencia sa usa ka kalihokan nga gitawag nga Walk to Vote (WTV) una sila magparehistro sa buhatan sa Commission on Elections (COMELEC) kagahapon sa alas 8:00 sa buntag.
Gipangulohan sa grupo nga Youth Vote Philippines (YVP) inabagan sa mga sakop sa ‘student supreme council’ sa University of San Carlos (USC) kansang tumong mao ang pagdani sa mga batan-on nga mosalmot sa election karong umaabot nga 2010.
Si Elizabeth Baumgart sa YVP mibutyag sa Banat News nga mikabat sila og 300 ka buok nga nagpanon paingon ngadto sa Comelec.
Iyang gipasabot nga buot silang motampo sa kaayohan nga idulot sa mga botante alang sa kaayohan sa nasud. - Lesley Caminade (BANAT NEWS)