^

Tining pilde sa survey sa 4th Dist.

() - February 7, 2007 - 12:00am
"Pilde" si Bogo Mayor Celestino "Tining" Martinez III batok kang kanhi Bokal Benhur Salimbangon sa pagka-kongresista sa ikaupat nga distrito sa lalawigan sa Sugbo base sa survey.

Ninglanat og duha ka oras ang gihimong survey sa sibyaanan El Nuevo Bantay Radyo kagahapon sugod sa alas 7:30 hangtud sa alas 8:30 sa buntag sa tulumanon, Ginagmay'ng Regalo sa Gugma (GREG Cares) ug gisumpayan og laing usa ka oras sa tulumanong "Tikdol-tikdol" sa alas 8:30 hangtud sa alas 9:30 sa buntag.

Base sa mga tawag sa telepono ug text messages sa mga cellphones, si Salimbangon nakakuha og 127 ka pontos batok kang Martinez kinsa ningkuha lang og 64 ka pontos.

Kini ekslusibong gisalmutan sa mga botante sa kalungsuran sa ikaupat nga distrito nga karon girepresentahan ni Kong. Clavel Asas-Martinez, inahan ni Tining.

Ang mga ningpabor kang Salimbangon nipadayag nga napul-an na sila sa mga Martinez sa pagdumala sa ikaupat nga distrito.

Dunay ningtumbok nga kon wala pa si Gob. Gwendolyn Garcia, wala gyud na-aspalto ang dalan sa ilang lugar.

Samtang ang mga pabor usab ni Martinez ang pabiling ningdayeg sa katakus sa pamilya sa pagdumala sa distrito ingon man sa lungsod sa Bogo.

Si Salimbangon nahimong sakop sa hunta probinsiyal sa Sugbo sa ikaupat nga distrito niadtong tuig 1992 hangtud sa 1998.

Si Salimbangon napilde ni Clavel sa pagka-kongresista sa eleksiyon niadtong 1998 ug wala na kini moapil pa sa kalihukan sa politika.

Apan niining nagsingabot nga eleksiyon, gikatakda nga modagan si Salimbangon sa pagka-kongresista ubos sa kampo ni Garcia batok kang Tining sanglit dili na makapasubli si Clavel.

APAN BOGO MAYOR CELESTINO BOKAL BENHUR SALIMBANGON CLAVEL ASAS-MARTINEZ EL NUEVO BANTAY RADYO GWENDOLYN GARCIA SALIMBANGON SI SALIMBANGON SUGBO
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with