Ang pagpangronda nga pinangulohan ni Insp. Gil Limosnero, hepe sa kapolisan sa nahisgotang lungsod sa Moalboal.
Ang nadakpan mao si Lito Gionaldo Palca, 23, ulitawo nga nagpuyo Basdiyot, Moalboal.
Ang nasakmit gikan sa suspetsado mao ang duha ka gagmay'ng pakete sa gituohang shabu, lain pang duha ka dagkong pakete niini ug 27 ka stick sa pinaugang dahon sa marijuana.
Si PO1 Wilfredo Ando sa kapolisan sa nahisgotang lungsod nga gikahinabi sa Banat News miingon nga nasakmit usab nila ni Insp. Limosnero ang mga kahimanan sa paggamit sa ginadiling drugas.
Kini ang nalakip sa mga ebidensiya sa kasong ilang ipasaka batok sa suspetsado nga kalapasan sa Republic Act 9165 kun Comprehensive Dangerous Drug Act of 2002.
Ang pagpangronda nila ni Insp. Limosniro natigayon base sa search warrant nga giluwatan ni Judge Leopoldo Canete, Regional Trial Court, (RTC-7) Branch 60 nga nagbase sa lungsod sa Barili.