Way ban sa pangisda sa Guimaras

Wala pay ban sa pangisda sa isla sa Guimaras sumala pa ni Presidential Adviser for Western Visayas and Task Force Oil Spill (SOS) On-Site Incident Commander Rafael Coscolluela kagahapon.

Matud pa ila pa kini ikonsulta sa ug mag-agad sial sa resulta sa scientific data sa dili pa sila mo impose ug ban ngadto sa mga mananagat nga gustong mangisda sa maong isla.

Sa regular press briefing sa Task Force SOS, si Coscolluela mipresentar og suwat ngadto kang Peter Raines, founder sa Coral Cay Conservation (CCC), mahitungod sa sayop nga mga balita nga nanggawas sa kaulohan nga naa'y fishing ban sa maong lugar tungod kay dili kini mao ang ilang gikasabutan ni Presidente Gloria Macapagal-Arroo sa Mandarin Hotel, sa nasud sa London sa miaging semana.

"At no point was there any discussion (or mention made) of the concept of a fishing ban, anywhere in the Philippines; such a concept strikes against the founding principles for which CCC stands for", matud pa ni Raines sa iyang suwat.

Gikompirmar ni Raines nga mihaylo sila og dugang tabang sa paghimo og mga pagtuon sa epekto niini sa mga takot sa dapat sa Guimaras nga nagapektahan.

Si Coscolluela miklaro nga naay municipal ordinance nga gipatuman sa maong isla aron kon naay mangisda kinahanglan nga mokunsultag ug pahibaw-on una ang stakeholder.