Managsuong miluba, mitigbas sa construction worker 'sikop

Managsoong lalaki nga midunggab ug mitigbas sa usa ka construction worker niadtong Domingo sa hapon sa Marigondon, Lapu-Lapu nadakpan sa kapolisan ug gibalhog sa bilanggoan.

Ang mga suspetsado giila nga sila si Francisco Andales Samas, 38, ug ang manghod niining si Emelio, 34, pulos minyo ug nagpuyo sa San Carlos Village sa Marigondon sa maong dakbayan.

Ang gidunggab ug gitigbas sa mga suspetsado mao si Romeo Amodia Pagobo, 34 anyos, minyo ug silingan sa maong dapit kinsa grabeng naangol ug anaa karon sa Vicente Sotto Memorial Medical Center sa dakbayan sa Sugbo.

Si SPO2 Rolito Jumao-as sa Homicide Section sa Lapu-Lapu miingon nga ang manok nga hiniktan maoy hinungdan sa pagpanigbas ug pagpanunggab sa mga suspetsado.