Tangke di susama sa Pasil

Hepe sa kapolisan sa Talisay mihimakak sa taho nga mas kuyanap ang problema sa drugas diha sa Tangke ikomparar sa Suba Pasil ug Ermita ning dakbayan.

Gibutyag kagahapon ni Supt. Audie Villacin sa pakighinabi niini sa Banat News nga dunay problema kabahin sa gidiling drugas ang Tangke.

Ang nahisgutang problema dugay na kini apan pagdaot lang ang taho nga mas kuyanap ang maong problema diha sa nahisgtuang lugar.

Matud ni Villacin nga ang kapolisan sa Talisay kanunay'ng mibuhat og mga pamaagi nga makontrolar ang nahisgutang problema ug usa sa paagi nga ilang gibuhat mao ang pagpahigayon og mga check point sa mga motorsiklo nga moanha sa Tangke.

Sa milabay'ng semana ang mga opisyal sa unang distrito sa Sugbo milusad og drug summit nga gipahigayon diha sa people's hall sa dakbayan sa Talisay.

Si Villacin nagkanayon nga mga standard nga pamaagi o stratehiya sa kampanya pagsumpo sa ilegal nga drugas ang mga gihisgutan sa maong drug summit ug ipatuman nila kini sa daling panahon.

Ang kadagkuan sa kapolisan sa unang distrito sa Sugbo ang mitambong sa maong kalihukan.