Kanhi opisyal sa BJMP dili uyoan ni Torres
November 11, 2005 | 12:00am
Retiradong opisyal sa Bureau of Jail Management and Penology nga unang gikatahong "uyuan" sa notadong tulisan nga si Reyruth "Rey" Torres mihimakak sa giingong relasyon nila sa naulahi.
Si Supt. Melecio Torres gikan sa Aurora miklaro niadtong milabay'ng adlaw sa Banat News ug kusganong mihimakak sa nigawas nga balita ning mantalaan niadtong Hunyo 16, 2005 nga iyang pag-umangkon ang suspetsadong tulisan nga si Torres.
Kini human niya mabasa ang iyang pangalan nga gilambigit kang Torres sa balita nga gibase usab sa nagkalain-laing opisyal ug news sources nga gikahinabi niadto sa telepono kabahin sa panghitabo didto sa Aurora.
"Usa sa dili kumpirmadong impormasyong nakaylap giingong diha magtago si Torres sa balay sa uyuan niining si Supt. Melecio Torres nga sakop sa Bureau of Jail Management and Penology," asoy pa sa maong balita nga iyang nabasa dinhi sa Banat News.
Sumala pa niya bisan wala siya personal nga makaila kang Torres siya maoy mitabang sa mga polis (CIIB) gikan dinhi sa dakbayan sa Sugbo aron makit-an kung asa magtago ug mag-adtuan si Rey Torres gumikan kay nasuhito siya sa ilang lugar.
"Wala gyud ko makaila anang tawhana pareho ra mi ana og apilyedo, si Supt. Labra (Paul) miduol na nako aron magpatabang kay lagi suhito man ko dinhi, dili na tinuod nga dinhi na siya nagtago nako," asoy pa ni Supt. Torres.
Si Supt. Pablo Labra miklaro nga si Supt. Torres maoy mitabang kanila sa pagdakop kang Rey Torres ug wala kini magtago diha sa balay sa opisyal.
Kining mantalaan gumikan sa pag-apas sa schedule ug kalisod usab sa komunikasyon didto sa gikahimutangan ni Labra (miadto na sa Pagadian niadtong tungura kay gipatambalan si Torres) wala na makapakumpirmar sa impormasyong nakuha. Mipasabot ang Banat News nga dili intensyon ning mantalaan nga dauton ang hingtungdang banay ni Supt. Torres aron lang makaapas sa istorya.
Si Supt. Melecio Torres gikan sa Aurora miklaro niadtong milabay'ng adlaw sa Banat News ug kusganong mihimakak sa nigawas nga balita ning mantalaan niadtong Hunyo 16, 2005 nga iyang pag-umangkon ang suspetsadong tulisan nga si Torres.
Kini human niya mabasa ang iyang pangalan nga gilambigit kang Torres sa balita nga gibase usab sa nagkalain-laing opisyal ug news sources nga gikahinabi niadto sa telepono kabahin sa panghitabo didto sa Aurora.
"Usa sa dili kumpirmadong impormasyong nakaylap giingong diha magtago si Torres sa balay sa uyuan niining si Supt. Melecio Torres nga sakop sa Bureau of Jail Management and Penology," asoy pa sa maong balita nga iyang nabasa dinhi sa Banat News.
Sumala pa niya bisan wala siya personal nga makaila kang Torres siya maoy mitabang sa mga polis (CIIB) gikan dinhi sa dakbayan sa Sugbo aron makit-an kung asa magtago ug mag-adtuan si Rey Torres gumikan kay nasuhito siya sa ilang lugar.
"Wala gyud ko makaila anang tawhana pareho ra mi ana og apilyedo, si Supt. Labra (Paul) miduol na nako aron magpatabang kay lagi suhito man ko dinhi, dili na tinuod nga dinhi na siya nagtago nako," asoy pa ni Supt. Torres.
Si Supt. Pablo Labra miklaro nga si Supt. Torres maoy mitabang kanila sa pagdakop kang Rey Torres ug wala kini magtago diha sa balay sa opisyal.
Kining mantalaan gumikan sa pag-apas sa schedule ug kalisod usab sa komunikasyon didto sa gikahimutangan ni Labra (miadto na sa Pagadian niadtong tungura kay gipatambalan si Torres) wala na makapakumpirmar sa impormasyong nakuha. Mipasabot ang Banat News nga dili intensyon ning mantalaan nga dauton ang hingtungdang banay ni Supt. Torres aron lang makaapas sa istorya.
BrandSpace Articles
<
>
- Latest
- Trending
Trending
Latest
Trending
Latest
Recommended