Bulls binuhat ni Butler, Celtics natakasan
CHICAGO--Maraming dapat pag-usapan sina Jimmy Butler at Isaiah Thomas sa kanilang pagkikita sa New Orleans.
Nagsalpak si Butler ng dalawang free throws sa natitirang 0.9 segundo para akayin ang Bulls sa 104-103 panalo laban kay Thomas at sa Boston Celtics.
Ang mahalagang foul shots ni Butler ang tumapos sa kanilang duwelo ng kapwa All-Star na si Thomas sa final game bago ang All-Star break.
Kapwa tumapos sina Butler at Thomas na may tig-29 points at 7 assists.
Natapik ang kanang siko ni Butler ng kamay ni Marcus Smart mula sa kanyang turnaround jumper bago tumunog ang final buzzer.
“He got a piece of the elbow,” sabi ni Butler sa foul ni Smart. “People are going to say ‘Aw, he didn’t foul him,’ but he did. So at the end of the day they made the right call.”
Ngunit may sagot si Thomas: “That’s horrible when it costs you a game you should have won. That’s a bad call,” reklamo ni Thomas
Nagdagdag naman si Bobby Portis ng season-high 19 points para sa Bulls, tumipa ng 22 for 22 sa foul line.
Nagposte si Thomas ng 8 for 18 sa kanyang ika-41 sunod na laro na naglista siya ng 20 points na bumura sa team record ni John Havlicek noong 1971-72 season.
Kumamada si Thomas ng dalawang free throws sa huling 1:30 minuto para ibigay sa Celtics ang 103-100 abante ngunit sinupalpal ni Butler sa kanyang layup attempt at naimintis ang jumper.
Nag-ambag si Kelly Olynyk ng 17 points at 7 boards para sa Boston na nagmula sa apat na sunod na panalo.
Naglaro ang Bulls na wala sina guard Dwyane Wade at forward Paul Zipser dahil sa injuries.
- Latest
