12 ka piniriso sa CPDRC Ibiyahe

CEBU, Philippines - Gikatakdang ibiyahe na padulong sa New Bilibid Prison sa Muntinlupa City ug sa Leyte Regional Prison (LRP) sa Abuyog, Leyte ang 12 ka piniriso sa Cebu Provincial Detention and Rehabilitation Center karong Martes.

Matud ni Dr. Gil Macato, acting warden sa CPDRC, nga 60 ka piniriso ang gitakdang ibiyahe karong tuiga apan dili nila madungan gumikan sa kakuwang sa mga prison guards nga mobantay.

Ang CPDRC kasamtangang adunay 2,795 ka piniriso diin 166 ang babaye ug 2,629 ang lalaki.

Samtang sa pikas bahin nipahibalo sab ang CPDRC nga wala na ang binuwan nga presentasyon sa mga dancing inmates.

Matud ni Macato nga “per request” na lang ang pagpasundayag sa mga piniriso ug dili na ang matag katapusang Sabado sa buwan. – BANAT NEWS