Ang maayong istilo sa pagtulog (2)

Sa niaging isyu, nahisgutan nato sa ulahing bahin ang takilid nga posisyon (side position) maayo sab ni  kay momenus ang hagok labina's mabdos, dili kabuhion apan makapakunot sa nawong kay nakadapat sa unlan ang pikas kilid sa nawong. Ang dughan mapresyur sa suso nga nagbitay mawala sab ang tuyhad nga porma niini matud nila Dr. Glasser, MD ug Dr.  Rajapaksa, MD.

Kining pinatakilid nga istilo sa paghigda ang humok nga dakong unlan maoy gikinahanglan dili kay dagha'g patong nga giunlanan aron dili mapresyur ang  elevation sa ulo. Aron malikayan ang panikig sa liog ug maapektahan sa  panuhot ang likod tungod sa presyur sa liog.

Ipagawas nga di maipit ang mga bukton, basi'g mamikog kini kay nahinanok nga wala kalihok.

Kun mabdos ang pinatakilid sa wala ang maayo aron dali makabiyahe ang dugo ug nutrens paingon sa gisabak. Medyo ipeko ang tuhod ug batiis nga butanga'g unlan nga kasipitan. Niining posisyona haruhay nga makaginhawa. Dili maayo magsige’g irog o moliso-liso kay di ni komportable sa tiyan.

Mobangon kun dili makatulog nga nag-alindasay motindog hangtud katulgon mobalik sa paghigda. Nga kini sumala sab sa suhestiyon ni Dr. Sam Sugar.

Unsa may mga posisyon sa pagtulog maghayang o magtakilid likayan nga mabaklid ang mga bukton ug ang tuhod ug batiis tungod kay maapiki ang sirkulasyon sa dugo. Kay inigmata sa buntag manakit, mamikog o mamanhod ang pamation sa lawas nimo.

Kun dili gayud makatulog gumikan kana sa epekto sa gibuhat mo sa adlawan. Basi'g subra sa busog o inom sa alcohol o kape dayong higda.