St. Benilde humirit ng rubber match
MANILA, Philippines — Napigilan ng College of St. Benilde ang selebrasyon ng Arellano University matapos itakas ang 4-3 panalo via penalty shootout upang maipuwersa ang rubber match sa kanilang NCAA Season 93 senior football tournament best-of-three championship series na ginaganap sa Rizal Memorial Football Stadium sa Malate, Manila.
Naitala ni Cyrus Sanquilos ang unang puntos ng Chiefs matapos isalpak ang isang goal sa ikapitong minuto.
Subalit naging maluwag ang depensa ng Arellano sa second half nang makalusot si Major Dean Ebarle sa tulong ni Carmelo Vicente Genco sa ika-61 minuto para maitabla ng Benilde ang laban sa 1-1.
Tabla ang iskor sa 1-1 matapos ang second half dahilan para mauwi ang laban sa penalty shootout.
Sa shootout, nagpalitan ng goals sina Cymun Sanquilos, Charles Gamutan at national under-23 standout Roberto Corsame Jr. ng Arellano at sina Earl Real Laguerta, Vincent Erik Lovitos at Renz Joseph Tulayba ng Benilde para sa 3-3 pagtatabla.
Subalit nagmintis si Patrick John Bernarte ng Arellano sa kanyang pagtatangka habang naging hero ng Benilde si Moiselle Angelo Alforque na siyang kumana ng game-winning goal para dalhin ang serye sa do-or-die.
Nakauna ang Chiefs nang kunin nito ang 3-2 panalo sa series opener noong Biyernes.
Lalaruin ang deciding Game 3 ngayong alas-6 ng gabi sa parehong venue.
- Latest
