32 ginto binuhat ng Pinoy Lifters
MANILA, Philippines — Humakot ang national powerlifting team ng 32 gintong medalya sa 2017 Asian Bench Press Championships na ginanap sa Great Eastern Hotel activity hall sa Quezon City.
Nanguna sa kampanya ng Pilipinas si veteran campaigner Anita Koykka na bumuhat ng dalawang gintong medalya mula sa -57 kg. category ng women’s masters at women’s open sa torneong nilahukan ng mahigit 300 lifters sa Asya.
Nagpasiklab din si 2017 Asian Championship gold medalist at 2016 World Deadlift champion Joan Masangkay na nagreyna sa women’s juniors 43 kg. gayundin sina Francisco Arca (men’s sub-juniors -66 kg.), Rolando Maye (men’s masters -59 kg.), Jessa Mae Tabuan (women’s sub-juniors -43 kg.), Rowella Abrea (women’s sub-juniors -47 kg.) at Kathleen Chiang (women’s juniors -63 kg.) na nangibabaw sa kani-kanilang events.
Nakasiguro rin ng ginto sina Gabriel Hidalgo sa men’s juniors; Merwin Torres, Edwin Sonido, Patrick Torres, Edgar Munar, Vlademeer Sorezo at Roberto Gayanes sa men’s masters; Romeo Tayawa sa men’s open; Victorina Calma, Kathy Moran, Nina Oca at Jane Quiambao sa women’s masters at sina Jinky Guion, Leslie Evangelista, May Estrera, Lee Anne Zipagan at Samantha Tayag sa women’s open.
Itinanghal na overall champion ang Pilipinas sa apat na kategorya - women’s sub-juniors, women’s juniors, women’s open at women’s masters sa event.
Walong Pinoy lifters naman ang itinanghal na Best Lifter o katumbas ng Most Valuable Player award.
Ito ay sina Tabuan at Ompod sa sub-juniors; Chaing at Masangkay sa juniors; Calma sa Master I, Koykka at Moran sa Master II at Oca sa Master III.
- Latest
