Corpuz, Buna nanguna sa MOS Elite class
MANILA, Philippines - Pinamunuan nina San Sebastian College-Recoletos standouts Joseph Corpuz at Urielle Buna ang Most Outstanding Swimmer (MOS) winners sa Elite Class ng 119th Philippine Swimming League (PSL) National Series na ginanap sa Rizal Memorial Swimming Pool sa Malate, Manila.
Napasakamay nina Corpuz (boys’ 12-year) at Buna (girls’ 13-year) ang unang puwesto matapos na parehong makalikom ng 50 puntos sa kani-kanilang kategorya.
Nagningning din sina Marc Bryan Dula ng Wisenheimer Academy (boys’ 10-year), Micaela Jasmine Mojdeh ng Immaculate Heart of Mary College-Parañaque (girls’ 11-year), Lee Grant Cabral ng Diliman Preparatory School (boys’ 11-year) at Charize Juliana Esmero ng University of the Philippines Integrated School (girls’ 14-year).
Ang iba pang MOS winners ay sina Richelle Anne Callera (7), Ruth Denise Sula (8), Maria Francesca Barretto (9), Aubrey Tom (10), Kyla Soguilon (12) at Carmenrose Matabuena (15-over) sa girls.
Nakahirit din ng MOS awards sina Aishel Cid Evangelista (7), Master Charles Janda (8), Czesk Emeril Valdez (9), Jordan Ken Lobos (13), Mervier Jules Mirandilla (14) at Jose Gabriel Lavina (15-over) sa boys.
May kabuuang 16 bagong rekord ang naitala sa edisyong ito ng National Series.
Nanguna sa listahan ng mga record-breakers sina Mojdeh at Evangelista na bumasag ng tig-tatlong rekord habang may dalawa naman sina Esmero at Soguilon at tig-iisa sina Dula, Lavina, Callera, Sula, Mico Abina at Vaugh Andre Aquino.
Tinanghal na overall champion ang MCUR3 ni coach Richard Robles, sinundan ng Quezon Killer Whales sa ilalim ni coach Virgir de Luna at ng Diliman Preparatory School ni coach Albert Sermonia.
- Latest