Pacquiao-Crawford bout matutuloy
MANILA, Philippines - Dahil sa patuloy na pagsikat ni Terence Crawford ay ipupursige ni Bob Arum ng Top Rank Promotions na maplantsa ang laban nito kay Manny Pacquiao bago matapos ang taon.
Tinalo ni Crawford (31-0-0, 22 KOs) si challenger Felix Diaz (19-2-0, 9 KOs) ng Dominican Republic noong Linggo para patuloy na isuot ang kanyang WBO at WBC light welterweight titles.
Nakatakda namang idepensa ni Pacquiao (59-6-2, 38 KOs) ang kanyang hawak na WBO welterweight crown kontra kay Australian challenger Jeff Horn (16-0-1, 11 KOs) sa Hulyo 2 sa Brisbane, Australia.
Ang nasabing WBO belt ay inagaw ni Pacquiao mula kay Jessie Vargas noong Nobyembre ng nakaraang taon.
Kung mananalo si Pacquiao kay Horn ay tiyak nang maitatakda ang laban ng Filipino world eight-division champion kay Crawford.
“Manny wants that fight if the money is commensurate with the risk,” sabi ni Arum sa panayam ng BoxingScene.com. “Now, he didn’t wanna do that fight and make the same money that he would make on a Vargas fight. You can’t blame him. And now that Crawford is becoming known more, I think that we could anticipate that a Pacquiao-Crawford fight would do a lot more business than Pacquiao-Vargas did. More money is one of the things that clearly should motivate Manny.”
Ilang beses nang nabanggit ang pangalan ng 29-anyos na si Crawford para sa susunod na laban ng 38-anyos na si Pacquiao.
Ngunit palagi itong natatabunan.
- Latest
