Celtics nakaiwas sa pagbaon ng Cavs
Tumuro sa ‘Itaas’ si Avery Bradley ng Celtics bilang pasasalamat matapos isalpak ang game-winning three-pointer.
Bradley isinalpak ang game-winning 3-pointer
CLEVELAND - Nagtabla sa 108-108, natanggap ni Avery Bradley ang bola at isinalpak ang kanyang winning three-pointer sa huling segundo ng laro.
Ang triple ni Bradley ang kumumpleto sa pagbangon ng Boston Celtics mula sa 21-point deficit sa thirtd period para balikan ang Cavaliers, 111-108, sa Game Three ng kanilang Eastern Conference Finals.
Naglaro nang wala si star guard Isaiah Thomas, inilapit ng Celtics ang kanilang sarili sa 1-2 paghahabol sa best-of-seven series nila ng Cavaliers.
Winakasan din ng Boston ang 13-game postseason winning streak ng Cleveland.
Ang tres ni Bradley ay mula sa play na idinisenyo ni head coach Brad Stevens.
“We have guys who have chips on their shoulders,” sabi ni Stevens. “We knew that Friday (Game 2) was a disaster. It wasn’t worth all four. It was worth one. So we got back together.”
Pinangunahan naman ni Marcus Smart, sumalo sa trabaho ni Thomas, ang Celtics mula sa kanyang career-high na 27 points na tinampukan ng pitong tres.
Tumapos naman si Bradley na may 20 markers para sa Boston, naunang tinambakan ng Cleveland ng 44 points sa Game Two.
“Everybody had to step up their game tonight especially with one of our brothers down,” wika ni Smart. “Our love and support goes out to Isaiah. We wish he could be here but we understand. We just kept fighting. Everybody did their part.”
Binanderahan ni Kyrie Irving ang Cavaliers sa kanyang 29 points kasunod ang 28 markers ni Kevin Love.
Ito ang unang kabiguan ng Cleveland sa 10 laro nila sa postseason.
Nakatakda ang Game Four sa Martes sa Cleveland.
Nagtala naman si LeBron James ng 11 points at 6 turnovers.
“I didn’t have it,” wika ni James. “You let a team like that grab momentum you almost knew a shot like that was going in.”
Sa kabila ng masamang inilaro ni James ay nakuha pa rin ng Cavaliers ang 77-56 abante sa third quarter matapos magsalpak ng 14 triples sa first half.
Ngunit masyadong nagkumpiyansa ang Cleveland na sinamantala ni Smart para ibangon ang Boston.
“We decided were going to go out and play hard, swinging,” sabi ni Bradley.
Tumabla ang Celtics sa 95-95 mula sa tres ni Smart at nakipagpalitan ng basket sa Cavaliers hanggang sa huling mga segundo.
Ang baseline jumper ni Jonas Jerebko ang nagbigay sa Boston ng 108-106 bentahe sa nalalabing 30 segundo bago sumalaksak si Irving para itabla ang Cleveland sa 108-108 sa huling 10.7 segundo ng laban.
- Latest
