Puro na sa NBA finals: 3-0 lead itinarak ng Warriors sa Spurs
Libreng nailusot ni Kevin Durant ng Warriors ang kanyang tira laban sa Spurs sa Game 3 ng kanilang Western Conference Finals.
SAN ANTONIO - Hindi na nakuha ng Spurs ang serbisyo nina injured stars Kawhi Leonard at Tony Parker ay nadagdagan pang lalo ang kanilang problema.
Nagkaroon si veteran center David Lee ng left knee injury sa 2:57 minuto ng first quarter bago tuluyang kinontrol ng Golden State Warriors ang laro patungo sa kanilang 120-108 paggupo sa San Antonio sa Game 3 at kunin ang 3-0 bentahe sa kanilang Western Conference Finals.
Tumapos si Kevin Durant na may 33 points at 10 rebounds para pagbidahan ang panalo ng Warriors kontra sa Spurs.
“They were going to come out and hit us in the mouth,” sabi ni Durant sa inaasahan ng Golden State mula sa San Antonio.
May pagkakataon ang Golden State na kumpletuhin ang kanilang ikatlong sunod na series sweep sa Game 4 sa Lunes sa San Antonio.
Ang Warriors ang ikatlong koponan sa NBA history na naipanalo ang kanilang unang 11 playoff games.
Ang Cleveland ay may 10-0 record kasama ang 2-0 abante laban sa Boston Celtics sa kanilang Eastern Conference Finals.
“I’m not surprised,” wika ni Golden State point guard Stephen Curry sa kanilang 3-0 kalamangan laban sa San Antonio.
Nag-ambag si Curry ng 21 points at naging franchise leader sa postseason points matapos ungusan si Hall of Famer Rick Barry.
Nagdagdag naman si Klay Thompson ng 17 points, habang umiskor si Javale McGee ng 11 points sa opening quarter para sa Warriors.
“We have to fight with the soldiers we have,” sabi naman ni Spurs’ veteran Manu Ginobili na tumipa ng 21 markers. “Nobody is going to feel sorry for us.”
- Latest
